494
శ్రీరామాయణము
వీనిఁ బట్టుక లోక - విశ్రుతకీర్తి
యైనట్టి సుగ్రీవు - నాజ్ఞ మీఱెదవు.
వలదన్న! బుద్ధులు - వయసులరావు
తలఁచుకొ మ్మిపుడు సీ - తానాయకుండు
సేయుమేలునకునై - సీమతోపాటు
చేయాసగాక వం - చింప ధర్మంబె?5260
పావనాత్ముఁడ వీవు - భగినీముఖోప
జీవి మాటలు వినఁ - జెల్లునే నీకు?"
అని "యోరి! తార! యే - మంటి వీబిలము
మనకు నాధారమై - మనఁగఁ జోటగునె?
మంచి మాటాడితి - మార్తాండసుతుని
నెంచి రాఘవు నెంచి - యింద్రుని నెంచి!
వారి కసాధ్య మీ - వసుధాబిలంబు
చేరరాదంటివి - చెల్లునామాట?
అంతటికున్నదే - యలిగి పైవచ్చు
నంతకురీతి రా - మానుజుఁ డొకఁడు5270
కుప్పెకోలను దమో - గుహయు నీయురము
దొప్పకైవడిఁ జించి - తునియలు సేయు!
మాయావి యైనట్టి - మయుఁడు ద్వారంబు
సేయక యిచట వ - సించి యుండంగఁ
గులిశంబుతోవచ్చి - గుహచేసి మయునిఁ
బొలియించి నటువలెఁ - బోవదు సుమ్ము
రాముసోదర మహా - స్త్రప్రయోగమున
నీమహాశైలంబు - నీరిక్షబిలము
