ఆరణ్యకాండము
11
నలియంగఁ బొడిచి య - న్నయును దమ్ముఁడును
దలయుఁ గాళ్లునుఁ బట్టి - దానవు నెత్తి
యిలమీఁదఁగొట్టియు - నెమ్ములన్నియును
బొడివొడిసేసియుఁ - బొందుగఁ ద్రొక్కి
మెడనులిమియు గ్రుడ్లు - మిణకరింపంగఁ230
బిడికిళ్ల గ్రుద్దియు - భీమరాక్షసుని
మడియింపనేరక - మల్లాడి యలసి,
“వింటివే లక్ష్మణ! - వీఁడిట్లు బడియు
నొంటనుఁ జావులే - కున్నాఁడు ధాత
వరముచే నటుగాన - వసుమతిఁద్రవ్వి
బొరియలో నీద్రోహిఁ - బూడ్చి చంపుదము
త్రవ్వుమిచ్చో”నను - దశరథసుతుని
యవ్వాక్యములకు వాఁ - డాపన్నుఁడగుచు
శరణాగతత్రాణ - సద్ధర్మపరుని
ధరణిజారమణు న- త్తరిఁజూచి వలికె.240
—:విరాధుని శాపకథనము :—
“స్వామి! నీచరణముల్ - శరణంబు నాకు
యీమానినియె సీత - యీవు రాముఁడవు
యితఁడు లక్ష్మణుఁ డని - యెఱిగితి నిపుడు
మతిమిమ్ముఁ గనలేక - మార్కొంటి నేను
బాధింపకుము దీన - బాంధవ! సకల
సాధు రక్షణ విచ - క్షణుఁడవు నీవు
వినుము నా తెఱఁగు నే - విబుధేంద్రు చెంతఁ
జనుమానమున నుండు - సంగీత నిధిని
