484
శ్రీరామాయణము
మానుపు మొకమాట - మావిచారములు!
దేవతారమణివొ! - తెలుపు మీవిపిన
దేవతవో? నీవ - దిక్కుగా నిలుచు
నీపురలక్ష్మివో? - యిపుడు మాపాలఁ
జూపట్టు పుణ్య మె - చ్చునఁ దీఱినదియొ?5020
ఆనతి యీవమ్మ! - యవనిజ వెదకఁ
బూని సుగ్రీవు పం - పున వచ్చినాము
ఆఁకలిదప్పుల - నలసిన మేము
చీకటిబిలముఁ జో - చ్చితిమి నిరాశ
నీరత్నరాసులు - నీ హేమరాసు
లీరమణీయమ- హీరుహంబులును
నీపట్టణ మపార - హేమమాణిక్య
దీపప్రకాశసం - దీపసౌధములు
నెవ్వరి సొమ్ము నీ - వింతియె కాని
యెవ్వరు లేరిందు - నెందుఁ జూచినను"5030
అనినఁ దపస్విని - హనుమంతుమోముఁ
గనుఁగొని యుచితవా - క్యముల నిట్లనియె,
"మాయావియైనట్టి - మయుఁడు పూర్వమున
నాయబ్జసంభవు - నాత్మగుఱించి
తపము గావించి ధా - తవరంబుచేతఁ
జపలాక్షి హేమ న - చ్చరజాతిదాని
దివినిఁ బట్టుక వచ్చి - తెరవెందు లేని
వివరంబుఁ గల్పించి - విపులాంతరమున
శైలంబుక్రింద కాం - చనరత్నమయవి
శాలమౌ నగర మీ - చాయఁ గావించి
