452
శ్రీరామాయణము
గొందఱు వానర - కోటులఁ గూర్చి
పొందికగాఁ వచ్చి - పొడఁగని పోయె4240
పద్మకేసర విభా - పటలాంగుఁ డగుచుఁ
బద్మంబుపై లక్ష - బలము సేవింప
సామీరితండ్రి కే - సరియనువాడు
స్వామికి వచ్చి మ - స్తము వాంచి మ్రొక్కె
కపివరుల్ కోట్ల సం - ఖ్యలుగాఁగఁ గొలువ
నపుడు వేవేగ గ - వాక్షుఁడు వచ్చి
కండెముల్ దిరిగిన - కరములు మొగిచి
దండదానపు నడఁ - దావచ్చి మ్రొక్కె
వేఱె తానొక రెండు - వేలుఁ గోటులకు
వీరులౌ భల్లూక - విభులతోఁ గూడి 4250
తామ్రాననము ప్రభా - తదిశను బోల
ధూమ్రుండు చుట్టల - తోవచ్చి కనియె
పర్వతాకారుఁడై - పదమూఁడు కోట్ల
పర్వతచరవీర - బలముతో వచ్చి
పనసుఁడు తనపేరు - భట్లు పద్యముల
వినుతింపఁ జేమోడ్చి - వెనుకకుఁ బోయెఁ
గాటుక కఱికప్పుఁ - గలమేనితోడ
నాటియౌ నంజనా - చలము వీనికిని
ననఁ బదికోట్ల మ - హాకపిశ్రేణి
తనుగొల్వ నీలుఁ డౌ - దల మ్రొక్కి చనియె4260
ఐదుకోటుల వాన - రాధిపు ల్గొల్వ
గైదండతో సము - ఖముదాఁక వచ్చి
కోఁతి కట్టికలు సాం - గు భళా! యనంగ
