447
కిష్కింధా కాండము
యిరువురు నందు పై - నెక్కి యుత్సాహ
భరితులై యన్యోన్య - భాషణంబులను4120
బ్రమదంబు లందుచుఁ - బ్రణవమృదంగ
ధిమిధిమిధ్వానంబు - దిక్కుల నిండ
కపుల కోలాహల - గంభీరరవము
లప్పుడు బ్రహ్మాండ మ - ల్లాడంగఁ జేయఁ
గాంచనచ్ఛత్రము - క్తాచామరంబు
లంచల లక్ష్మీస - హాయతఁ దెల్పఁ
గిలకిలారభటిఁ గి - ష్కింధాపురంబు
జలరాశి ఘూర్ణిల్లు - చందమై తోఁపఁ
బురము వెల్వడి రయం - బున రాముఁడున్న
ధరణీధరంబుచెం - త వనంబులోనఁ4130
బల్లకి డిగి రఘు - పతిఁ జేర నేఁగి
యల్లనఁ గేల్మొడ్చి - యడగుల వ్రాలు
వానరపతిఁ జూచి - వైదేహిమగఁడు
మానసం బానంద - మగ్నంబు గాఁగ
బదముల వ్రాలు నా - ప్తసహోదరులను
గదిసి లేవఁగనెత్తి - కౌఁగిటఁ జేర్చి
యగ్రభాగమున హ - స్తాభినయమున
“సుగ్రీవ! యిచటఁ గూ - ర్చుండు” మటంచు
నానతి యిచ్చిన - నటుసేయు నతని
జానకీజాని ప్ర - జ్ఞాశక్తి పలికె4140
-: రామ సుగ్రీవ సంభాషణము :-
"ధర్మార్థములు మదిఁ - దలఁపక యాత్మ
శర్మంబె కోరి యి - చ్ఛావృత్తి వలనఁ
