394
శ్రీరామాయణము
వక్రత లెంచక - వసియించెఁ గనుము
అడుసు ద్రోవలుగాన - నవనిపైఁ గానఁ
బడదెందుఁ జతురంగ - బలసమూహంబు
కరడులు లేనట్టి - కడలియుఁ బోలి
శరదముల్ గప్పిన - చదలు చూచితివె!2850
ఒకచాయఁ దోఁచక - యొకచాయఁ దోఁచి
ప్రకటితలీల నం - బరభాగ మిపుడు
నమరె వాణియుఁ బోలి - యవనికలోన
నమరు, పాత్రము బోల్ప - నలఘుపాత్రముగ
కడిమిపువ్వుల తావిఁ - గమిచి జేగురులు
గడుగుచుఁ బఱచె నే - కడ నిర్ఘరములు
కేళీనటత్కేకి - కీకారవంబు
లాలింపు లక్ష్మణ! - యాకోనలోన!
గండుతుమ్మెదల పొం - కమున నేరేడు
పండులు చూడు మ - పార మీవేళ.2860
ఈరసాలఫలంబు - లిల మోవనీక
ధారగా మధురస - ధారలు చిలుక
ముక్కుగంటులను గ్ర - మ్ముకవచ్చు తరుల
పెక్కువ యెంత యొ - ప్పిదమయ్యె నిచట!
మెఱుపు దంతములతో - మెఱయు నీమొగులు
తెర లేనుఁగల బారు - తీరున మించె!
పచ్చని పచ్చిక - పట్టుల లేళ్ళ
రచ్చలై వర్షధా - రలు మీఁదఁ గురియ
నిట్టి సంధ్యావేళ - నీక్షించు పాంథు
లెట్టుగా వేగింతు - రెటుదెల్లవాఱు? 2870
