ఈ పుట ఆమోదించబడ్డది
367
కిష్కింధా కాండము
ఎందుకు చుట్టంబు? - లెందుకు తనయు?
లెందుకు సంపద? - లేందుకు దేహ?
మెందుకు ప్రాణంబు? - లెందుకుమోటు
చందమై పతిలేని - సతినిల్చెనేని?
నెత్తురు కండలు - నీకు కెంజాయ
మెత్తని పరుపులే? - మేదినిఁబడగ
జగతిపై ధూళి వా - సన గందవొడియె
నిగనిగమను మేను - నిండఁ దాల్చుటకు?
మొరపరానేలపై - మొగముఁ జేర్పంగఁ
బఱచిన పువ్వుల - పానుపే నీకు?2220
గిరిదూరి యిలదూరి - గెడపిసాలములు
మరలి తూణముఁ జేరు - మహిసుతాప్రియుని
శరము నీమేనిలో - సరికట్టెఁ గాని
యురము భేదించివె - న్నుచ్చి పోదయ్యె!
వజ్రకుమార ప - ర్వతమనరాదు
వజ్రహరంబు నీ - వరగాత్రయష్టి!
కాయమ్ముఁ జించి యా - కడవీపు వెడలి
యాయమ్ము కనుపింప - దాయనుగాక!
ఆయమ్ము నాఁట ని - న్నాలింగనంబు
సేయనే యిటుల వం - చింతురే నన్ను?2230
గరుడుని ఱెక్కల - గరులపరంజి
మెఱుంగు పింజయ నీదు - మేనిపై నెంత
సింగారమయ్యె నీ - క్షించిన మాకు
