363
కిష్కింధా కాండము
నీకుఁ బుట్టినవాఁడు - నెగులొందనీకు
నిన్నాళ్లు లాలించి - నేనీకుమారు
నెన్ని గౌరవముల - నేది పెంచితిని
యాతీరు దప్పక - యరయుము ప్రాణ
దాతవు నేతవు - త్రాతవు నీవు2120
ఋణమున బోఁడు ధా - ర్మికుఁడు చేచూపి
రణములఁ జూడు తా - రాకుమారకుని
నీవంతవాఁడయి - నీవిరోధులను
మాయించుఁ దోడాస - మసలఁడెచ్చోట
నాశక్తి యెంత యం - తటి సత్త్వశాలి
యాాశిశువు వెపుడు వ - జ్రాంగి నీకతఁడు
అల సుషేణుతనూజ - యైన యీ తార
యలము వివేక కా - ర్యసమర్థురాలు
యేరీతిఁ బలికె నీ - విట్టట్టులనక
యారీతి నడచి మే - లందుమేయెడల2130
శ్రీరాముతో నేమి - చేసెదనంటి
వారామచంద్రుఁడే - మనియె నీతోడ?
అటుల కావింపు మీ - వది తప్పితేని
యటమీఁద నిహపర - హానిఁ జెందుదువు
ఈ యింద్రదత్తమౌ - హేమదామకము
మాయన్న! తాల్చి నా - మాఱుగామనుము!
అసువులు బాయక - యటమున్న నీకు
నొసగెదఁ దగువాత - యోగ్యంబు గాదు
నీవు ధరింప దీ - నికి నియ్యకొమ్ము”
నావుడు శోక దై - న్యముల నీఁదుచును2140
