347
కిష్కింధా కాండము
శరమెల్ల నుడివోవు - జలదంబు రీతిఁ
గరిబొగ్గువడిన శి - ఖావంతు కరణిఁ1730
దేజంబు మాసిన - దినరాజు మాడ్కి
నాజిలోఁ బడిన మ - హాసత్త్వశాలి
వాలి యాడిన యట్టి - వచనముల్ ధర్మ
మూలముల్ నిష్టురం - బులునైన కతన
చెవిసోఁక విని రఘు - శ్రేష్ఠుండు చాల
వివరంబుగా వాలి - వినఁగ నిట్లనియె.
"కపివీర! ధర్మార్థ - కామలౌకికము
లిపుడింతయు నెఱుంగ - కేల పల్కెదవు?
ఇందుకౌఁ గాదని - యెడువారు లేని
యందుచేఁ దోచిన - యట్లు వల్కుదురె?1740
పనపర్వతద్వీప - పతియైన జగతి
నినవంశమణులైన - యిక్ష్వాకుకులులు
పాలింపఁ దమరు పా - ల్పడి మృగపక్షి
జాలంబులను మహీ - జనుల రక్షింపఁ
బొలియింపఁ గర్త లె - ప్పుడుగాన భరతుఁ
డలఘుపుణ్యుఁడు ధార్మి - కాగ్రణి సకల
లోకరక్షకుండు సు - శ్లోకుఁ డుత్తముఁడు
చేకొని రక్షింప - శిక్షింపఁ గర్త
గాన యాయన యను - గ్రహముచేఁ బంపు
పూని వచ్చితి మట్టి - పుణ్యశీలుండు1750
నెలమి నా ధర్మాత్ముఁ - డేలుచున్నట్టి
యిలమీఁద నెవ్వారి - కేమన వచ్చు?
కామాంధుఁడును నీతి - గతిలేనివాఁడు
