344
శ్రీరామాయణము
చోరుఁడు శరుఁడు నీ - చుఁడు మద్యపాయి
రమణుల నావుల - రాజుల ద్విజుల
సమయించువాఁడు పా - షండవర్తనుఁడు
గురుతల్పగమనుఁడు - కొండీఁడు ద్రోహి
పరివేత్తయన్యాయ - పరుఁడు హింసకుఁడు
నిరయగాములు గాన - నీ కేఁటి కయ్య!
కొఱమాలి యీకోఁతి - కొలఁగట్టుకొనఁగ? 1660
ఈమాంస మీచర్మ - మీదంత శల్య
రోమాదికంబులు - రోతురుగాని
రోయరెవ్వరు వాన - రుల ధార్మికుండ
వీయపకీర్తి నీ - వేల పొందితివి?
పంచనఖంబులఁ - బరగిన జంతు
సంచయంబుల నైదు - చనుగాని మీకు
కడమవాటిని దినం - గాదేమి దలఁచి
పడవేసితివి నీకు - భక్ష్యంబె యేను?
అంటుదురే కేల - నైన వానరుల
యొంటిమాంసంబు? ని - న్నొకనిఁ జూచితిమి!1670
రామచంద్ర! వివేకు - రాలు మా తార
వేమారు నాకు నీ - వృత్తంబుఁ దెలిపె
నది వినియుండియు - నహమిక చేత
విధి పెడరేఁపఁగ - వెడలి వచ్చితిని
నను నేయఁబనియేమి? - నా నేర్పు నేర
మునకు నెవ్వాఁడ వ - మ్మునఁ బడనేయ?
నీవు రాజవుగావు - నీ వెంటఁ బరమ
పావని యాసీత - పతివైన కతన
