336
శ్రీరామాయణము
వా రయోధ్యాపుర - వల్లభుండైన
వీరుఁడౌ దశరథ - విభుని నందనులు
రామలక్ష్మణులు ధ - ర్మస్వరూపకులు
తాము సుగ్రీవుని - దండకు వచ్చి
చెలిమి చేసినవార - జేయులందులను
బలవంతుఁడగు రామ - భద్రుఁ డీపనికిఁ1460
బూని వచ్చినవాఁడు - పూనిన కార్య
మౌనిది కాదిది - యనరానివాఁడు
వరమతి సాకు ని - వాసవృక్షంబు
కరణి నాపన్నుల - గతియైనవాఁడు
నార్తుల కెల్ల స - మాశ్రయుం డతఁడు
కీర్తికిఁ దానె సం - కేతస్థలంబు
జ్ఞానసత్వవివేక - సంపన్నుఁ డఖిల
దీనబాంధవుఁడు శ - క్తిత్రయాధికుఁడు
తలిదండ్రిమాట యౌ - దలఁ దాల్చువాఁడు
కలనైన బొంకెఱుం - గని సత్యవాది1470
కోదండదీక్షాది - గురుఁడైనవాఁడు
వేదండగమనుండు - విజయలోలుండు
ధాతువులకు పర్వ - తముఁబోలి సుగుణ
జాతంబులకు సమా - శ్రయుఁడైనవాఁడు!
ఆరఘువీరుని - యసమవిరోధ
మేరికిఁ గడతేరు? - నెఱుఁగవయ్యెదవు
హితము నామాట నే - నెఱుఁగుదు నతని
నతిలోకధర్మస - త్యపరాక్రమములు
