333
కిష్కింధా కాండము
శతమఘుం డవని స - స్యములు ఫలింప
మతియించుగతిఁ దెమ్ము - మఘవనందనుని
వెనుకటి కొకనాఁడు - విజయంబె కాని
యనిలోన నీకు లో - నగువాఁడుఁగాదు!
అదిగాక సతులస- మక్షంబునందు
మదగర్వములు హెచ్చు - మది నెల్లఱకును1390
నీమహాధ్వని విని - నిలువక వెడలి
తామున్ను వోలె యు - ద్ధముసేయు వాలి
యంతట నాయమో - ఘాస్త్రంబుచేత
నంతకు వీటికి - ననుపుదు"ననిన
పెళపెళ నార్చి కు - ప్పించి కిష్కింధ
జలదరింపంగ గ - ర్జానినాదమున
రాజదోషమునఁ జే - రక కులకాంత
లేఁజాడఁ బరువెత్తు - నెన్నికదోప
నావుల మందలు - నచ్చోట నిలక
తావులు దప్పి కొం - దలముతోఁ బఱవ1400
రణములో విఱుఁగు తు - రంగంబులనఁగఁ
దృణభక్షణము మాని - మృగములు చెదర
సడలిన పుణ్యవా - సన వారిఁ బోలి
సుడివడి యెల్లప - క్షులు మహిఁబడగ
దారణ పవమాన - ధారాభిహతిని
భోరనఁ గలఁగు నం - బుధిమ్రోఁత యనఁగ
దట్టించి సింహనా - దము సేయ వాలి
పట్టణంబున మహో - త్పాతంబు పుట్టె
