314
శ్రీరామాయణము
చాలఁగ నోడి యి - చ్చట నున్నవాఁడ!
ఏమి పల్కిన వినుఁ - డెఱిఁగించి మీర
లామీఁద ననిన వా - క్యము నాకు హితము.
-: సుగ్రీవుఁడు వాలి పరాక్రమమును వర్ణించి చెప్పుట :-
వానరబలవైరి - వాలి నిద్రించి
తాను నిత్యము ప్రభా - తంబుల లేచి
పడమటివారాశిఁ - బదములుఁ గడిగి
వడిఁ దూర్పుకడలి క్రే - వలఁ దీర్థమాడి930
దక్షిణవార్ధి చెం - తనుఁ గర్మవిధులు
దక్షతఁ దీర్చి యు - త్తరసాగరమున
హరునిఁ బూజించి జా - మైనచో మఱలి
పురికి నేతెంచు న - ద్భుతజవశక్తి!
డాక నుప్పొంగి కొం - డలు పెల్లగించు
నాకంబు పొడవు మి - న్నక దాఁటి మఱలు
కుజముల మేని సోఁ - కునఁ గూల గెడపు
విజయార్థి యగుచు ది - గ్వీథులఁ దిరుగు
నెదురెవ్వరును లేక - యెదురులు చూచు
కదియ మృత్యువునైనఁ - గబళింపనోపు940
నతిశయమదసింధు - రాయతబలుఁడు
నుతికెక్కునట్టి దుం - దుభి యనువాఁడు
మహిషరూపము గల్గు - మనుజాశనుండు
మహనీయశారీర - మదవికారమున
జలధి చెంతకు బోయి - సమరంబు సేయఁ
బిలిచినఁ గంపించి - భీతిల్లి వార్ధి
