307
కిష్కింధా కాండము
కొదుకుడు వడుచుఁ గొ - ల్కులవెంట జాఱి
కన్నీరు దొరుగ గ - ద్గదకంఠుఁ డగుచు
విన్నపంబని రఘు - వీరుతోఁ బలికె
"శ్రీరాము! యేను కి - ష్కింధఁ గొన్నాళ్లు
స్వారాజ్య మింద్రుని - జాడ నేలితిని760
ఆవెన్క మావాలి - యతిబలశాలి
తావచ్చి యిల్లాలిఁ - దగఁబట్టి యేలి
యవనియుఁ గైకొని - యదలించి త్రోచి
యవమతి చేసి న - న్నటు బాఱఁదరిమి
తిగిచి నావారి బం - దిగముల వైచి
నొగిలించి కొందఱ - ను దొలంగఁద్రోలి
యిచ్చోట నేనున్కి - యెఱిఁగి కొందఱను
ముచ్చ్రిలి పొడిపింప - మూఁకలనంప
వారినేఁ బోనీక - వధియించి తనకుఁ
దీఱనిపని గానఁ- దెగిచంపలేక770
తానిందు రారాక - తక్కినవారి
చే నన్ను గెలిపింప - చేతనుఁగాక
యూరట చాలక - యున్నాఁడు గాన
మీరాక చూచి న - మ్మిక చాలనైతి!
వాలి పంచినయట్టి - వారిగా నెంచి
యోలక్ష్మణాగ్రజ! - యోడి పాఱితిమి
బలవంతులును నీతి - పరులును బుద్ధి
గలవారు నగుటయే - గద నన్ను గాచి
యీనల్వురునుఁ జెంత - నెడవాయలేక
సూనుల క్రియఁగాచి - చుట్టునుండుదురు780
