295
కిష్కింధా కాండము
ధన్యుండు సర్వభూ - తహితుండు లోక
మాన్యుండు నైనట్టి - మాయన్న దేవి470
యేమిర్వురము లేని - యెడఁ బర్ణశాల
భూమిజ యసహాయ - ముననున్న వేళ
నెవ్వఁడో రాక్షసుఁ - డెత్తుక పోవ
నవ్వామలోచన - నరయుచు వచ్చి
త్రోవలోపలఁ గబం - ధుని గాంచ వాఁడు
దేవత్వమున మింట - దివ్యయానమున
నిలిచి మీ సుగ్రీవు - ని తెఱఁగు మిమ్ముఁ
జెలిమి చేసిన మాకు - సీత చేరుటయుఁ
బగఁ దీర్చుటయుఁ దేట - పఱచి వాఁడేఁగ
జగతీతనూజ ని - చ్చట వెదకుచును480
నినుఁగంటి మిదియ మా - నిర్ణయం బిట్టి
యనఘుఁడు సకలలో - కైకనాయకుఁడు
రామచంద్రునియంత - రాజు సుగ్రీవుఁ
గామించి యాతనిఁ - గర్తగానెంచి
కొలిచి యాయన కను - కూలుఁడై యతని
వలయు గార్యములఁ గై - వశుఁడై మెలంగ
శరణంబు వేడి యి - చ్చట మీదువలన
తరణినందనుని - వర్తనమెల్లఁ దెలిసి
వసుధ దివ్యులకు నె - వ్వనియనుగ్రహము
పొసఁగకుండిన సౌఖ్య - ములు లేక యుండు490
నట్టి మాయన్న మీ - యర్కనందనుని
పట్టు చిత్తమున చే - పట్టినవాఁడు!
ఆసించు వారి స - హాయుఁడౌస్వామి
