254
శ్రీరామాయణము
బెట్టుచు వెఱపించి - బెదరింపుచుండ
చెంతకు నొకస్థూల - శిరుఁడనుమౌని
యంత నింతటవచ్చి - యతిఘోరమైన
వేషంబు తోడి నన్ - వీక్షించి వెఱచి
కాషాయవస్త్రంబుఁ - గటిసీమ జాఱ
గందమూలఫలాది - కంబులు భీతి
నందుఁ బాఱగవైచి -యార్తిచేఁ బరువఁ 6060
గని యేను నవ్వినఁ - గాంచి" యమ్మౌని
ననుఁగా నెఱింగి మా- నసములో నలిగి
యిట్టిభూమికతోడ - నిందుండు మనుచు
దిట్టి శపించినఁ - దీఱని వగల
నడలుచు నమ్మౌని - యడుగుల వ్రాలి
కడు వేఁడుకొన్నచోఁ - గరుణించి యతఁడు
రామలక్ష్మణులీ య - రణ్యంబులోన
నీమీఁద నలిగిన - నీదు కేల్దోయి
తునిమి మేను దహింపఁ - దోడనే ముక్తి
గనియెదవని" భావి - కార్య మూహించి 6070
నను వీడుకొని పోయి - న యనంతరంబ
దనువను వానికి దనయుఁడ నగుచుఁ
దమ్మిచూలినిఁ గూర్చి - తప మాచరించి
కొమ్మని యతఁడు నా - కు వరంబు లొసఁగ
నావరగర్వమ -హానుభావమునఁ
గావరంబున బల - గర్వంబు దొట్టి
పాకశాసనుతోడ - బవరంబు సేయ
చేకొద్ది వజ్రంబు - చేతన శిరము
