236
శ్రీరామాయణము
నభయమిచ్చిన పూన్కి. - యదియునుఁ దప్పి
సభయులై వారెల్లఁ - జత్తు రీక్షణమె! 5620
అందాకనున్నదె - యటు మనవార
లందఱు నిప్పు డయో- ధ్యాపట్టణమునఁ
బురముతోడుత మ్రగ్గి - పోదు, రామున్నె
భరతుఁడుం జచ్చు కో - పము చెల్లునయ్య?
కోపంబుచేత మీ - కు యయాతిపాటు
ప్రాపించు నిపుడు నా - పలుకు గాదనిన
మన కులగురుఁడు తా - మరచూలి పట్టి
ఘనుఁడు వసిష్ఠుఁడు - కన్నబిడ్డలను
కోపంబుచేతనె - కోల్పోయెఁ గాన
పాపంబుఁ దెచ్చు కో - పము రామచంద్ర! 5630
గ్రహములచే పీడ - గ్రహరాజులైన
యహిమాంశుఁడును జంద్రుఁ - డనుభవించియును
దాళిరి గాక చే - తను గాక శక్తి
చాలక యుండిరె - జానకీరమణ!
దైవయత్నంబె ప్ర - ధానంబటంచు
దేవ! నాతో నాన - తి యొసంగువారు
పనిలేదు మీకిట్టి - పలుకు, దైవంబె
యనుకూలమైన నీ - యాపదల్ గలవె?
ఎప్పుడు నింద్రాదు - లేనియు నలిగి
తప్పింప నేర్తురె - దైవయత్నంబు! 5640
దైవయత్నంబుచేఁ - దలఁగిన సీతఁ
గావలెనని యెంత - కళవళించినను
వచ్చునె? రాదని - వసుమతి నెల్ల
