188
శ్రీరామాయణము
కడువాడియైన వం - కరగోళ్ళచేత
పిక్కలఁ గాల్మీరి - పెరిగి మత్తేభ 4460
మొక్కటియును బోవ - నోడక నిలిపి
యలుగు కొద్దిని డిగ - నంకుశం బెత్తి
వలదేరి నఱుకు మా - వంతుని రీతి
వ్రయ్యలుగాఁ గొట్టి - వాని మస్తములు
పయ్యాడి మకుటముల్ - పదియు డొల్లించి
తలవెంట్రుకలు కట్టి - తానీడ్చి తెచ్చి
యలయించి ముక్కున - నంగముల్ బొడిచి
చాలఁ బీడింప రా - క్షసచక్రవర్తి
యాలోన భయకంపి - తాత్ముఁడై జడిసి
గట్టిగా నెడమచం - కను సీత నుంచి 4470
కొట్టెను వల కేల - కొట్టఁ బక్షీంద్రుఁ
డాకొట్టువడి యండ - జాధీశుఁ డలరి
పోక రావణు కరం - బులఁ జంచువులను
పదియును నఱికినఁ - ‘బడిపోవు కరము
లది లేదు బొంకని’ - నట్లు వెండియును
పుట్టలోఁ బన్నగం - బులు వచ్చినట్లు
నెట్టుక మొలిచిన - నిర్జరారాతి
సీత నొక్కెడనుంచి - చేతులఁగాళ్ళ
చేతను బోడిచినఁ - జేయుట లేక
యా విహగోత్తముఁ - డతిబాహుశక్తి 4480
రావణుతోఁ బోర - రామకార్యమున
దెగి ప్రాణముల యాస -దీరిపోనీక
జగడించు ఖగకుల - స్వామి కీలెఱిఁగి
