184
శ్రీరామాయణము
హరువున వజ్రసా - రాత్మీయ నఖర
నారాచములచేఁ దృ- ణంబుగా నిన్ను
జేరెదఁ జట్టలు - చింతు నీపొట్ట
రామలక్ష్మణులు దూ - రము వోయిరనుచు
నీమదిఁ దలఁచియో - నీవు వాఱెదవు?
రామునికిని దశ -రథునకు హితము
నామదిఁ దలఁచి ప్రా - ణములైన విడుతు
విడువ నీ జానకి - వేఁడి యాతిథ్య
మడిగితి నాతోడ - నని సేయు" మనుచు
"పండును తొడిమెతో - బాపినయట్లు4370
భండనంబునఁ దల - వడవేతు నిన్ను"
-:జటాయువు రావణునితోఁ బోరి నేలఁ గూలుట :-
అన రావణుఁడు కన్ను - లందుఁ గెంజాయ
జనియింప నట్టహా - సము సేసి నిలిచి
తేరు మఱల్చిన - దిగ్గున పక్షి
వీరుఁ డాగ్రహముతో - వృక్షంబు విడిచి
ఱెక్కలతోడ ధా - త్రీధరం బనఁగ
గ్రక్కున నెగసి రా - క్షసనాథుఁ దాఁకి
పోరాడుచో మహా - ద్భుతచండవాత
ధారలఁ బెనగొన్న - ధారాధరముల
నుద్దులై వారితో - డురువుల నాఁగి 4380
అద్దిరా! వీరి బా - హాగర్వ మనఁగ
వదలక పోర రా-వణుఁ డాగ్రహించి
కదిమి నాళీకవి - కర్ణిబాణముల
