ఆరణ్యకాండము
165
నీదు చన్నులమీఁద - నెలకొన్న సరులు
నీదండనుండువ - నీమృగశ్రేణి
పొంది నిన్ను రమించు - పురుషరత్నంబు
నందందు ముఖ్యంబు - లని తలంచెదను
దేవతలకు నైన - దృష్టింపరాని 3900
యీవని సింహాది - మృగములఁ జూచి
వెఱవక యేరీతి - విహరించె దిట్లు?
తరుణి! నీ వెవ్వరి - దాన వేర్పఱుపు
మేమి నిమిత్తమై - యిచటికి వచ్చి
తేమి గావలసిన - నే నిత్తు నీకు
పలుకవే పలు కేమి - పచ్చకప్పురమె!
తలయెత్తి చూడు మెం - తటి సిగ్గు నీకు
నెవ్వరు లేరిందు - నేనొక్కరుండ
జవ్వని! నీవు ని - చ్చట నొక్కరితవు"
అనిన నట్టి దురాత్ము - నతిథిగా నెంచి 3910
తన యొంటిపాటు నా- తని ప్రల్లదములు
దిక్కు లేమియుఁ జూచి - దీమసంబూని
యొక్క కైవడి వీని - కూరట సేయఁ
దనవారు వచ్చినఁ - దగపాదపూజ
లొనరింతురని మది - యోజన చేసి
కపటసన్యాసిని - గాంచి యాసీత
యపలపింపఁ దలంచి యప్పు డిట్లనియె.
"భావింపుఁ డివె యర్ఘ్య - పాద్యాదికములు
కావలసిన భిక్షఁ - గైకొనుఁ డిపుడు
అయినది వంట చ - ల్లారక మునుపె3920
