140
శ్రీరామాయణము
నీకార్య మింద్రున - కేని గాదనఁగ
వచ్చునే? నీతి యె - వ్వరు తెల్పువార
లచ్చోట లేరని- యడుగ వచ్చితినె?
మేలైనఁ గీడైన - మేలు నీవట్టి 3300
యాలోచనలు మాను- మాత్మలో నేను
సీతను దెచ్చుట - సిద్ధంబు తనదు
నీతి పరస్త్రీల - నెమకి పట్టటలు
రాజు వేఁడిన మంత్రి - రాచకార్యములు
తేజంబు విభునకుఁ - దేవేఁడియైన
నుపచారములు వల్కి - యొదుఁగుచుఁ దగిన
యపుడు మెల్లని మాట - లాడినట్లాడి
మఱి యొక్క తఱి తన - మతముగా విభుని
మఱలించుకొని తన -మాటఁ జెల్లించి
నడచినఁ దగుఁగాక -యప్రయాసంబు3310
తడవక హృదయ మిం - తయుఁ గానలేక
వెగటుగాఁ బల్కిన - వినినఁ బూజార్హుఁ
డగు రాజు సైరించు - నా వెఱ్ఱివాఁడ!
అనలుని వేఁడిమి - యమరేంద్రు శౌర్య
మునుఁ జంద్రుని ప్రసాద - మును బాశపాణి
దండశక్తియు భాను - తనయుని సమత
నిండార విభుని కి -న్నిగుణంబు లునికి
రాజులు మహి నెల్ల - రకుఁ బూజ్యులగుట
యోజింపనేర కి - ట్లొంటి నీకడకు
వచ్చినవాని దు - ర్వచనము ల్వలుక 3320
