ఆరణ్యకాండము
123
పొలుపున గిరిరాజు - పుత్రివైఖరిని
వనదేవత యనంగ - వారిజాసనుని
వనితకైవడి జగ - ద్వర్ణిత యగుచు
నెక్కడి సురకాంత - లేడ యప్సరస
లెక్కడి యహికన్య - లెందుకువారు!
వారి సౌందర్య మ - వ్వనజాక్షి కాలి
గోరునకైనఁ ద - క్కువ నిక్కువంబు!
తగు నీకు సీత సీ - తకు వీవు దగుదు
వగణితభోగభా - గ్యాకారములను
అటువంటి సతి యింద్రు - నంతటివాని2900
కెటువలె దొరకు! నయ్యిగురాకుఁబోడి
నరునివెంబడి గహ- నంబులవెంటఁ
దిరుగునే! యని తోడి - తెచ్చి నే నీకుఁ
గానుకఁ జేసి నే - గలిగిన ఫలము
నీ నెమ్మదికి నింపు - నెలకొల్పవలయు
నని యెంచి పర్ణశా - లాంతరంబునను
జనకజతోడఁ బ్ర - సంగంబు జేసి
యేకాంతమున నీయ - హీనశౌర్యంబు
నీకల్మియును వితీ - ర్ణియుఁ జెలువంబు
మరులు పుట్టఁగఁ బల్కి - మది నీయకొలిపి 2910
తరుణి నే దెచ్చు మం - త్రము భిన్నమైన
నారామసోదరుఁ - డరికట్టి నన్ను
పారిపోవఁగనీక - బ్రతిమాలుచుండఁ
జెవులును ముక్కుఁ గో - సెను! నీనిమిత్త
నవమానములకెల్ల - నాలయంబైతి!
