116
శ్రీరామాయణము
నాగలోకముల ను - న్న ఫణీంద్రవరుల
వాసుకితక్షక - వ్యాళులఁ గెలిచి
యిాసున దక్షకు - నిల్లాలి దెచ్చి
డక్కఁబెనంగి నా - టకశాలలోనఁ
జొక్కుటాటలు నేర్పి - చూచినవాని
కైలాసమున కేఁగి - కలనఁ గుబేరుఁ
దోలి పుష్పకము నె - త్తుకవచ్చువాని
పృథుశక్తిఁ దరువులు - వెఱికించి చైత్ర
రథము నందనముఁ జూ - ఱలు వుచ్చువాని
తరణిచంద్రగ్రహ - తారకావళులఁ2730
గలములఁబట్టి న - ల్గడవ్రేయువాని
పదివేలవర్షముల్ - బ్రహ్మనుఁగూర్చి
మది నదరక శిరో - మాలికల్ దునిమి
హుతవహులో వ్రేల్చి - యూర్జితస్థితులు
నతిశయవరములు - నందినవాని
మనుజులు దక్క నే - మగవారిచేతఁ
దనకు నాశము లేని - తప మూనువాని
బ్రహ్మవిద్యానిధిఁ - బరమసాహసుని
బ్రహ్మణ హింసలఁ - బాల్పడువాని
క్రూరుని కఠిను మూ - ర్ఖుని దురాచారు 2740
ధీరుఁ గృతఘ్ను నా - స్తికు మదోన్మత్తు
దయలేనివానిఁ గ్రో - ధమునుఁ గామంబు
సయిదోళ్లుగా ధాత్రి - జల్లించువాని
దిగధీశులనుఁ జెక్కి - తీర్చినచరణ
యుగళమంజీరంబు - లొప్పెడువాని
