ఆరణ్యకాండము
99
నేవగ నలుగురు - నెఱుఁగ బల్కితివి!
పర్వతంబునుఁబోలి - -పటుగదాదండ 2320
ధూర్వహభుజుఁడనై - తోఁచి నీయెదురఁ
గదలక యముఁడున్న - గతి నిల్చునన్నుఁ
బదరి చూచియునిట్లు - భాషింపఁదగునె?
పలుమాటలిక నేల - బవరంబులోన
గెలిచి చంపుదు నిన్నుఁ - గేవలశక్తి
నినుఁడు గ్రుంకిన మన - యిర్వురి పోరు
కొనసాఁగి కనరాదు - గొబ్బున నిపుడె
జయమందువాఁడ నీ- సమరంబులోన
భయమేది యణఁగిన - పదునాల్గువేలు
దానవులకు వారి - తరుణులు హితులు 2330
దీనులై శోకింపఁ - దేరు కన్నీరు
నినుఁజంపి యూరార్చి - నిలుపుదుఁజూడు ”
-: ఖరుఁడు రాముని పై గదను ప్రయోగించుట :-
మని యుఱుముక వచ్చు - నశనియె పోలు
చేగదయెత్తి యా - ర్చి యణంగుమనుచు
వేగంబె త్రిప్పి బ -ల్విడిఁ బ్రయోగింప
నది వచ్చి వనభూరు - హశ్రేణి నెల్ల
సదమదంబుగఁ గొట్టి - చరముక పారి
పై రాఁగ నొకకొన్ని- బాణంబు లేసి
యారాముఁ డదిపొడి - యైపోవఁ జేయ
మంత్రౌషధముల సా- మర్థ్యంబుచేత 2340
