ఈ పుట ఆమోదించబడ్డది
88
శ్రీరామాయణము
ఘోరాస్త్రకోటులు - గోలుగాఁగురియ
వారి యమ్ములు తన - వాలంపుగముల
వారించి జానకీ - వరుఁడు గోపించి
-:దూషణవధ:-
యాదూషణునిమీఁద - నతని సైన్యంబు
మీఁద నాదిత్యులు - మేలని పొగడ
దూషణుండేసిన - తూపులు భీమ
రోషభీషణుఁడౌచు - రూపఱనేసి2070
వాని సారథిఁద్రుంచి - వానియశ్వములఁ
జానేసి చే శరా - సనము ఖండించి
మూడు దూపుల నుర - మ్మున రక్తధార
లోడికల్ గట్టమ - హోద్ధతి నెనయ
విరథుఁడై యమ్ములు - విల్లును లేక
ధరణిపై నొరకొండఁ - దరలించినట్లు
నపరంజికట్లచే - నశనిసన్నిభముఁ
జపలాలతా ప్రకా - శములైన శత్రు
జనపాల రక్తమాం - సములాని విజయ
జనకమై దివిజభీ - షణమయి పొల్చు2080
నొక పరిఘముఁబట్టి - యురవడి రాఁగఁ
జకచకల్గల యర్ధ - చంద్రబాణములఁ
జేతులు రెండునుఁ - జిదిమి వైచుటయు
భూతలం బద్రున న - ప్పుడు దూషణుండు
కొమ్ములుఁ గొట్టిన - కుంభిని మీఁదఁ
గమ్ముకు పడిపోవు - గంధేభ మనఁగ
