పుట:Shriiranga-mahattvamu.pdf/422

    గావింప లక్షణజ్ఞుఁడ
    భావింపఁగ నన్నునెన్నఁ బనిలే దింకన్. 11

వ. లక్షణంబు లెవ్వియనిన, 12

సీ. అవనిగణాళి గణాళికి నధిదేవ
    తలు గ్రహంబులు గ్రమంబులును వాని
    కులములు ఫలములు గూడుమర్యాదలు
    చుక్కపొంతువులు నచ్చువులు నెఱిఁగి
    పిదపమహాభూతి బీజచింతనమును
    వర్ణవర్ణగ్రహనిర్ణయంబు
    లక్షరవేధయు నరిమిత్రశోధన
    క్రమముఁ దత్ఫలవిచారమును దెలిసి

ఆ. తమకు నెదురులేక దర్పించి వసుమతీ
    విభులసభల బుధులు వివిధవిధులఁ
    జెలఁగి పొగడఁ గవిత సెప్పెడివారు స
    త్కవులపేరు సాటు కవులు గలరె. 13

క. ఈ యెన్నినలక్షణము ల
    మేయప్రతిభన్ రచింతు మృదుతరకావ్య
    శ్రీ యెసఁగఁ బొసఁగనది బళి
    రోయనుచు న్సుకవు లాదరించి నుతింపన్. 14

క. జగతీజలానలానిల
    గగనసుధాకరపరోష్ణకరపరమాత్ముల్
    మగణాదుల కధిదేవత
    లగజావల్లభునిమూర్తులవి యెనిమిదియున్. 15

క. రవితురగరజతవిద్రుమ
    కువలయహరినీలశకలకురువిందసుధా
    నవకనకనికషరేఖా
    ప్రవిమలకాంతులఁ దనర్చుఁ బరువడిగణముల్. 16