పుట:Shriiranga-mahattvamu.pdf/395

240

పంచమాశ్వాసము

వ.⁠

అని కుశలప్రశ్నంబు గావించె, నప్పు డాపార్థివోత్తముండు.

⁠ 157

సీ.⁠

కమనీయతీర్థావగాహనోత్సాహులై సంతసపడు మహాసంయములును సదమలభూరుహచ్ఛాయల హరికధల్ రాణింపఁ జెప్పు పౌరాణికులును సలలితసైకతస్థలముల హరిపూజ గావించు పరమభాగవతవరులు స్ఫటికోపలములందుఁ బ్రణవమంత్రాభ్యాస రతచిత్తులగు పరివ్రాజకులును

⁠

తే.⁠

భయదదుర్భరఘననిదాఘప్రతప్త జంతుచాతకజలధరసమయ మగుచు నఖిలలోకైకపావనమై దనర్చు బిల్వతీర్థంబుఁ జూచి సంప్రీతి నొంది.

⁠ 158

శా.⁠

స్నానం బందొనరించి, నిత్యవిధు లోజం దీర్చి యచ్చోటి స న్మౌనిశ్రేణికి భక్తి మ్రొక్కి, పిదపన్ వారందఱుం దోడరా భూనాథుం డటఁ బోయి గాంచె మణివిస్ఫూర్జన్మహాగోపురా గ్రానూనధ్వజతుంగమున్ గుహరమాయాభంగమున్ రంగమున్.

⁠ 159

చ.⁠

కనుఁగొని డాసి యచ్చట నకల్మషబుద్ధులు నిత్యసిద్ధులుం జననుతసౌమ్యమూర్తులును సన్మణిభూషణనవ్యమాల్యచం దనఘనతాభిరాములును, దామరసాక్షసమర్చనక్రియా జనితసముత్సుకాత్ములును, శాంతులునై విలసిల్లు పుణ్యులన్.

⁠ 160

ఆ.⁠

రత్నభూషణాంబరమ్ములు ప్రత్యగ్ర భూరివస్తుతతులఁ బూజ సేసి, వందనం బొనర్చి వారిసంగతి రంగ మందిరంబుఁ జొచ్చె మనుజవిభుఁడు.

⁠ 161

శా.⁠

సేవించెం జగదేకబంధుఁ గరుణాసింధున్ సమున్నిద్రరా జీవాక్షుం గమలాఘనస్తనయుగశ్రీఖండసంవాసిత

⁠