పుట:Shriiranga-mahattvamu.pdf/238

శ్రీరంగమహత్త్వము

83

క.⁠

ఉత్సవ మొనర్చె నాశ్రిత వత్సలునకు నఖిలభువనవందితునకు వత్స ప్రశస్త కౌస్తుభ వత్సఃస్థలునకుఁ గరేణువర వరదునకున్.

⁠ 164

సీ.⁠

అగరు ధూపముల మిన్నగల వాసన కెక్కి జడివట్టి కుసుమ వర్షములు గురియ భేరీ మృదంగ శంఖారావముల మించి చారణ స్తోత్ర నిస్వనము లెసఁగ ముక్తాత పతదీప్తులు మీఱి ఖేచరీ కరచలచ్చామరకాంతు లొలయ ధ్వజరణత్కింకిణీతాళ సంగతి నింపు దనరు నచ్చరల నృత్యములు మెఱయ

⁠

తే.⁠

ననిశకర్పూర తైలధారాతి దీప్త దీపమాలిక లానత దివిజమకుట పద్మరాగాంతరంబులఁ బ్రతిఫలింప మాసరము లయ్యె నుత్సవ వాసరములు.

⁠ 166

ఉ.⁠

సమ్మద లీల నిట్లు దివసంబులు తొమ్మిచి చెల్లినం బ్రభా తమ్మునఁ బూర్ణచంద్రతిథి తత్పద సంశ్రయులై విరక్తులై నెమ్మిఁ జరించు వైష్ణవ ముని ప్రకరంబులతో-దళాస్యు లేఁ దమ్ముఁడు వేడ్కమై నవభృధం బొనరించె సమంచితక్రియన్.

⁠ 167

వ.⁠

ఇట్లతం డొనర్పు సముచితసత్కారంబుల బరితోషితుండై విభీషణుం డర్ధమాసవ్రతంబునఁ దత్పుణ్యక్షేత్రంబున వసియించి, మఱునాఁ డరుణో దయ సమయంబున గమనోన్ముఖుండై యద్దివ్యవిమానరత్నంబు నావ హింపం బూని తరలింప నోపక యుండ మదభరాఖండల ప్రచండ వేదండ పంచాకాండ మండితంబు లగు బాహుదండంబులు బెండువడఁ బెనంగి యొందొండ నిట్టూర్పు లెగయఁ దగఁదొట్టి నెట్టుకొనిన వగలఁ బొగులుచు నిలాతలంబునఁ బడిపొరల నతనిపైఁ గరుణాంతరంగితం బగు నపాంగంబు నిగుడ శ్రీరంగనాయకుం డిట్లని యానతిచ్చె,-

⁠ 168