పుట:Rasikajanamamobhiramamu (IA rasikajanamamobh022607mbp).pdf/69

⁠

పూని పూ నిలు వెల్ల ననచిన పొన్నపొన్నల నీడ నాడక మాని మానిను లెల్ల మెల్లన మల్లి మల్లియ లాఁగి రోడక తెఱవ తెఱవడిఁ బూని కదలిచి తేని తేనియసోనవానలు నెఱయు నెఱయువిదలకు వేడుక నించు నించుక యలరుఁగోనలు సారసారససౌరభము వెదచల్లు చల్లనికొలనిచెంతను జేరి చేరిక నాడుకొందము చెలువ చెలు వలరఁగ నొకంతను దలరెఁ దలరెడువిరులు దొరకినదాఁక దాకఫలంబు లేరక యలసి యలసికతామయంబులయంద యందఱు నుంటి రూరక మాను మానును మొల్లక్రొంబొద మఱుగు మరుగురుపదము భామిని కాన కాననఁబోండ్లు చనియం గదలఁ గదలక నిలిచి రామిని నెన్న నెన్నడుఁ జూడ మిటు పరు వేల వేలతరంబు పువ్వులు కన్నె కన్నెఱఁ జేసి కోపము గ్రమ్మఁ గ్రమ్మఱఁ జనెదు దవ్వులు కొమ్మ కొమ్మదుపూఁతసంపెఁగకొమ్మ కొమ్మని తఱమి చూపకు మమ్మ మ మ్మఱ చేసి తేఁటుల మాటిమాటికి నెడలు వాపకు మహిల మహిల కడిందియలరుల మనికి మనికిత ముడిగి చూడుము బహుల బహులలకొఱకు నెల్లెడఁ బర్వి పర్విడఁ బోక వీడుము సేనసేనలు గూడి ముద్దులు చిలుకఁ జిలుకలు మొఱయు నిచ్చటఁ జాన జా నగుననలు వెదుకఁగఁ జాగి జా గిటు లేమి ముచ్చట యేమె యేమెడ యైనఁ జని వన మెల్ల మెల్లన గాళు చేసెదు రామ రామకలీలఁ గ్రాలుసర మ్మురమ్మునఁ దీసి వ్రేసెదు పొగడ పొగడఁగఁ దగు నహా నినుబోఁటిబోటికి దీనితావులు తగవె తగవె మరుండు పొదలకుఁ దారి తారి తొలంగుదీవులు మధుపమధుపవనేందులను బగ మాన మానసమునఁ దలంతమె మధురమధురసకుసుమములు పలుమాఱు మారున కిడి భజింతమె.

⁠ 64

తే.⁠

అనుచు వనకేళి సలిపి లతాంగు లెల్లఁ, జాల నలరులు దలిరులు సంగ్రహించి ఘర్మజలబిందువులఁ దోగి కడఁక మెఱయ, నంత జలకేళి గావింప నదను దలఁచి.

⁠ 65

సీ.⁠

యక్షనాయకునిభాండాగారమునఁ బోలె, మకరకచ్ఛపవరమహిత మగుచు గమలామనోహరుకరతలంబునుబోలెఁ, బటుశంఖచక్రవిస్ఫార మగుచు బృందారకాధీశుమందిరంబునుబోలె, ననిమిషామృతపరివ్యాప్త మగుచుఁ గామనీయకతారకాపథంబునుబోలె, ఘనరాజహంససంకలిత మగుచు

⁠