పుట:Rasikajanamamobhiramamu (IA rasikajanamamobh022607mbp).pdf/14

⁠

ఫలకములు గల్గి నాడెంపుఁబనులబల్హొ, రంగుల ననారతంబుఁ జెలంగి మఱియు.

⁠ 60

సీ.⁠

జాలవల్లికలు పచ్చలగద్దెపీఁట హొం, బట్టుతివాసీలు వట్టివేళ్ల సురటీలు మేల్పైఁడికురిచీలు నెత్తంపు, పలక నిద్దాజరబాజుజీబు చందువా ముత్యాలజాలీలు చికిలిక్రొ, మ్మించుటద్దము లెనమించుతగటు బాలీసు రతనంపుకీలుబొమ్మలు చిటి, చాపలు వెడఁదవింజామరములు

⁠

తే.⁠

తమ్మపడిగలు మంచిగందంపుఁగోళ్ల, చిఱుతముక్కాలిపీఁట రాచిలుకపంజ రములు చిత్రంపుదివ్వెగంబములు గలిగి, జానుదులకించుకొల్వు హజారమునను.

⁠ 61

తే.⁠

రాజగురుబుధకనివసుధాజనులును, మిత్రజాహీనకేతువుల్ మెఱసి కొలువ నెంతయును దేజ మెసఁగ ననంతపదవి, నయ్యినుఁడు నిండుకొలువున్న యవసరమున.

⁠ 62

సీ.⁠

గొఱకయీఁటెలు మేటికఱకునారసములు, వంకకత్తులు పెడవంకవిండ్లు నడునెత్తిసికలు గీర్నామంబు లేకువారు, మెట్టులు క్రొవ్వాడి మెఱుఁగుసురెలు కావిలాఁగులు నీలికాసెలు వాగురుల్, గుద్దుకత్తులు నల్లగొంగడీలు నలువుమీఱినకారుములుచ యొడళ్లు జుం, జురుగడ్డములు బలుకుఱుచద్రుళ్లు

⁠

తే.⁠

వలుదసొరకాయదిప్పలు తులసిపేర్లు, గండ్రగొడ్డండ్లు చిక్కము ల్దండికోఱ మీసము ల్గల్గి కొండఱుమృగయు లెదుటఁ, జేరి పొడఁ గని మిగుల జోహారు లొసఁగి.

⁠ 63

సీ.⁠

పులిగోళ్లు గజదంతములు పిల్లిగడ్డలు, చారపప్పు వెడందచామరములు పద్దువాడేగలు పావురాయలు నెమ్మి, పించెంపుఁగుంచెలు పికిలిచెండ్లు బిత్తరంపుజవాదిపిల్లులు ముద్దులే, జింకకూనలు నవసంకుమదము పచ్చకస్తురివీణె లచ్చంపుదేనె, గజనిమ్మపండ్లు ద్రాక్షాఫలములు

⁠

తే.⁠

పనసపం డ్లీడపండ్లు కొమ్మనఁటిపండ్లు, కప్పురము దబ్బపండులు నిప్పపువు మొదలుగాఁ గానుకలు బట్టి మ్రోల నిలిచి, పలికి రిట్లని కేల్మోడ్చి ప్రభునిగూర్చి.

⁠ 64

క.⁠

విను జియ్య పొలముపట్టునఁ, గనుఁగొన నబ్రముగ నీపు కారుమెకము లా మున బెల్లు మీఱి మెలఁగుచు, జనులకు గడుబీ తొనర్పఁజాగెం బెలుచన్.

⁠ 65

సీ.⁠

కణుచు లీర్నాలుగుకాళ్లమెకంబులు, బెబ్బులుల్ తోఁడేళ్లు బొబ్బమెకము లెలుఁగులు గొఱపోఁతు లేఁదులు మనుఁబోఁతు, లెనుపోఁతులును గోఁతు లేనుఁగులును దువ్వులు రేఁచులు చివ్వంగు లడిఁదపు, మెకములు సవరము మెకము లిర్లు పందులు నక్కలుఁ బలుబూతపిల్లులు, కుందేళ్లు దుప్పులు కొండగొఱియ

⁠

తే.⁠

లాది యగుదొడ్డమెకము లబ్బబ్బ యడవి, నెందుఁ జూచిన నెడ లేక యేపు మీఱి తిరుగుచున్నవి యిం కేమి తెలుపఁగలము, సామి యవ్వాల్మెకంబులచంద మిపుడు.

⁠ 66