కోలాచలము శ్రీనివసరావు
కిరాతార్జునీయంలో స్త్రీ స్వాతంత్ర్యము, 'పాంచాలీ స్వయంవరం ' లో విదేశీవస్తు బహిష్కారము ప్రస్తావించడం ఇందుకుదాహరణలు.
ఆచార్యులుగారు ప్రజలు, ప్రజాస్వామ్యము వీటి ప్ర్రాముఖ్యాన్ని గుర్తించి 'చిత్రనళీయము.' 'పాదుక ' నాటకాలలో ప్రజాసందోహాన్ని పౌరులనే పేరుతొ పాత్రలుగా రంగస్థలంమీద ప్రవేశపెట్టితినారు. ఈ ప్రక్రియకుకూడ వీరే ఆద్యులు.
'మగలాదీని, మంగళమధ్యాని, మంగళాంతాని ' అనే భారతీయ సంప్రదాయాన్ని ధిక్కరించి సారంగధరకధను విషాదాంతంగా రచించి తెలుగులో ప్రప్రధమ విషాదనాటక స్రష్టగా పేరుపొందినారు.
217 పద్యాలు, 63 పాటలు, 15 సంవాదకీర్తనలతో 'చిత్రనళీయము ' రచించిన ఆచార్యులవారు పాటలవలన ఎప్పటికీ భావప్రకటనము సముచితింగా కలుగజాలదని 'అజామిశ ' నాటకము పూర్తిగా వచనంలోనే రచించినారు.
కధా సంవిధాన నిర్వహణలో, సన్నివేశ కల్పనలో, నాటకీయతలో, వ్యంగ్యప్రయోగంలో, సాదృశ్యవిపర్యయాలను చొప్పించడంలో, పాత్రమనీవృత్తి చిత్రీకరణలో వారు ప్రజ్ఞావంతులు. వారికి కరుణరసము అభిమాన రసము.
వారి రచించిన 22 తెలుగు నాటకాలలోను 25 పౌరాణికాలు, 2 చారిత్రకాలు (సారంగధర, రోషనార), వీటిలో నాలుగు (సారంగధర, చంద్రహాస, ముక్తావళి, అజామిశ) విషాదాంత నాటకాలు.
ఈ 28లో 14 మాత్రమే ముద్రిత మయినవి. తెలుగులోనె గాక ఇంగ్లీషులో 'హరిశ్చంద్ర.' ఉషాపరిణయము ' వారు రచించినారు.
కోలచలము శ్రీనివాసరావు
ధర్మవరంవారిని గురించి చెప్పుకొన్నప్పుడల్లా వారితో ఎన్నో విషయాలలో దీటైన కోలాచలము శ్రీనివాసరావుగారిని కూడా పేర్కొనవలసిందే! ప్రఖ్యాత చారిత్రక నాటక్కర్తగా పేరొందిన శ్రీనివాసరావుగారు కేవలము నాటక
