6) నీజ్ఞాపకాల ఊపిరి నాహృదయంలోకి ఊదినావుగా
చూడు గుండెసన్నాయి కళ్యాణిరాగాల్నెలా మ్రోగిస్తున్నదో..!
7) అవును నేను అపర గజినీనే
నువ్వు తప్ప మరేమీ గుర్తుండదుగా
8) నావ్యధ నీమదిలో వెన్నెలసుమమై వికసిస్తే
నీజ్ఞాపకం నాకనుకొలుకుల్లో అశ్రువై నిలిచింది
9) నీ సౌందర్యంతో నారదుని సోదరివయ్యావుగా
రెండుకళ్ళా పరస్పరం పోట్లాడుతూ తిలకిస్తున్నాయి
10) వింతగాక మరేమి ?
ప్రేమ విత్తనాలు చల్లితే విరహం పంటగా చేతికొస్తే!
11) గడిపేక్షణాలకు ఈత రాదుగా
కాలప్రవాహంలో కొట్టుకుపోతూనే ఉన్నాయి
12) అయ్యో నేను వికలాంగుడిని కాదంటే నమ్మరేం
కలలపల్లకీలో చెలిని మోసి తనువిలా తయారైతే
13) నామదికి నిదురేదీ
నీతలపులు నిరంతరం అలారం మ్రోగిస్తుం టే
14) నిరంతరం నీఆలోచన్లతో జుట్టుపీక్కుంటున్నా
కత్తిలేకుండానే బోడిగుండు చేసిపెట్టావుగా
15) అంధకార జీవితంలో ఒక్కోక్షణాన్నీ కాల్చేస్తూ చూస్తున్నా
ఏనాటికైనా వెలుగులు వెదజల్లుతూ నువ్వు వస్తావని
పుట:Manimalikalu.pdf/48
ఈ పుట ఆమోదించబడ్డది