ఈ పుట ఆమోదించబడ్డది
76. రాత్రి డాబాపై కురిసిన వెన్నెలవాన
తెల్లారేసరికి ఇంకిపోయింది చుక్క మిగలకుండ!
77. మీఅమ్మాయికి సిగ్గెక్కువా
ఆహా.. కాలిబ్రొటనవేలు సగం అరిగిపోతేను
78. రాజకీయ క్రీడ
ఎవరెవరితో ఆడుతున్నారో తెలియదు చూసేవాడికి
79. నా ఆశల్ని నిమజ్జనం చేస్తున్నా
లోతు తెలియని కన్నీటి జలాశయంలో
80. అదృష్టం తీరం తాకేవరకూ ఆగవులే
కష్టాల కడలిలో అవస్థల ఆలలు
81. ఇంత మత్తుగా ఉంటోంది!
నీప్రేమలో.. క్లోరోఫాం కలిపావా!
82. ఎన్ని నిఘంటువుల్ని మింగేసుంటావో చిన్నప్పుడు
నీచూపుల్లో ఇన్నిన్ని అర్ధాలు దొరుకుతున్నాయ్
83. అనుబంధాల్లో ఆత్మీయత తగ్గినప్పుడు
బంధాలన్నీ పలుపుతాళ్ళగానే తోస్తాయి
84. నా జీవిత నవలకి నాయికవి నువ్వు
నా మనసు పుస్తకానికి ముఖచిత్రానివి నువ్వు
85. నా గుండె గదుల్నిండా
తీపి జ్ఞాపకాల ధాన్యాలు, అన్నీ నువ్వు నింపినవే