పుట:Mahendrajalam.djvu/7

వికీసోర్స్ నుండి
Jump to navigation Jump to search
ఈ పుట ఆమోదించబడ్డది


మా మాట

ఇంతవరకు మేము ప్రచురించిన వివిధ వైవిధ్యము గల గ్రంథములను సమాదరించిన అశేష పాఠక మిత్రులకు మా హృదయ పూర్వక నమస్సుమాంజలులు.

మేము ఇంతకు పూర్వము ప్రచురించిన "ఇంద్రజాల రహస్యాలు " అను గ్రంధమును విశేషంగా ఆదరించిన అఖిలాంధ్ర పాఠక మహాశయుల ప్రోత్సాహమే ఈ గ్రంధ ప్రచురణకు నాంది అయినది.

ఇందులో - వినోదానికి అత్యంత ప్రాధాన్యత నిచ్చే ఆధునిక ప్రదర్శనలేగాక - మూలికలు, రసాయనాల కలయికచే ఉద్భవించు చిత్ర - విచిత్ర పురాతన పద్ధతులను కూడ చేర్చడము జరిగినది.

ఈ ప్రదర్శనలు చేయు వారు సాంకేతిక ఇబ్బందులను తమ తమ అనుభవముతో గ్రహించి, సందర్భాను సారముగా ఏ ప్రదేశములలో - ఏ సమయములో - ఏ ప్రదర్శన చేయ వచ్చునో నిర్ణయించుకొన గలవారై యుండవలెను.

ఈ గ్రంధ ప్రచురణలో తమ అమూల్యమైన కాలాన్ని వెచ్చించిన వి.జి. చౌదరి (V.G.పబ్లికేషన్స్ అధినేత) గారికి...!

ఈ చిన్న పొత్తమును సర్వ జనాదరణీయముగా మలచిన రచయిత ఉషా పద్మశ్రీ గారికి...! మే మందించు వినోద విజ్ఞాన సాహిత్యానికి తమ వంతు ప్రోత్సాహాన్నిస్తున్న తెలుగు పాఠక మహాశయుల కు - మాకృతజ్ఞతలను తెలియ జేస్తూ - సెలవు తీసికొనె......మీ...............


----ప్రకాశకులు