ఈ పుట ఆమోదించబడ్డది
నిత్యకృత్యములం దొక్క నిమిషమైన
దొంగిలింపుము కైసేయ దోయజాక్షి!
యఖిలకామినీ సామాన్యమౌ బ్రసాద
న ప్రియత్వము నీ యందు ననలుకొనదొ? 30
స్వాంతమున నీకు రామణీయక పిపాస
యంతరించె నటంచు నే ననను గాంత,
కాని, యెడలేని సంసార కష్టములకు
స్త్రీప్రకృతి బలివెట్టుట చెల్లదమ్మ. 31
త్యాగమునకైన నొకహద్దు దగును గాని
శలభ మట్టుల నాత్మనాశనము మేలె?
పొలఁతికి సతీత్వ సౌందర్యములును రెండు
బ్రార్థనీయ వరంబులై పరఁగుఁగాదె! 32
అతివ, నాయూరడింపుల యందె దవిలి
చిన్నకూఁతురి నంపవు జొన్నమడికి
బావురంబులు జిల్కలు పాలకంకి
విఱచుకొని యాకసంబున వెడలెఁ జూడు. 33
పడెనట జిల్క లన్నమిష బైట దొలంగిన జూచిచూడకే
యొడిసెల ఱాయిఁబెట్టి పొలమోరలఁ బోయెడి బాటసారిపై