చెల్లరు వచింతు రటు లెల్లిదము సేయఁదగ
దల్ల కుసుమాంబకుని భల్ల మదియందున్
వల్లభుఁడు కాంత ముదమల్లుకొన సెజ్జఁగనఁ
బెల్లెగసి నిద్ర తనువెల్ల మఱపింపన్
ఝల్లుమనఁగుట్టి రతి నుల్లములు దన్పి భళి
వల్లెయని వారి నుతులల్లపుడే గంటన్
10. బ్రహ్మశ్రీ నందిరాజు లక్ష్మీనారాయణదీక్షితులవారు
వేదంబనంగ నేవీథిలోవస్తువో
యనువారి సందియం బడలఁద్రోచె
శాస్త్రంబనంగ బాజాఱులో నెంతటి
క్రయమను వారల కలతఁబాపె
బ్రమసి సంధ్యావందనమను పల్కునకెట్టి
యర్థమో యనువారి కదియుఁదెలిపెఁ
దమ రెట్టిజాతిజన్మములనుండిరొ యది
యెఱుఁగనివారల కెఱుఁగఁజేసె
నెట్టివారల నేవిధి నెప్పుడెపుడు
గాంచఁగావలె నవ్వారిఁ గరుణ నట్టి
విధు లెసఁగఁ గాంచె విజ్ఞాన విహృతిఁబెంచె
దీక్షితుండనఁ దామరసాక్షుఁ డవని
11. ఆశుకవిత్వ మీజన్మమున నెట్లుసంభవించెననుటకు
తనకన్నఁ బెద్దలౌ ఘనమతులను గాంచి
గౌరవించిన పుణ్యకర్మ మొకటి
విద్యార్థులకు నర్హవిద్యల నెఱిఁగించి
కైకొన్నదౌ పుణ్యకర్మ మొకటి