గను వల్లే యని దానికిఁ
బనివడి రచియించిరౌ ప్రబంధము నిపుడే
అరగంటలోనఁ జాతురి
వఱలఁగ మృదు పద్యముల్ జవంబునఁ గవులం
దఱు మెచ్చ లేక్క మీఱఁగ
నొఱుపుగ రచియించి రిద్ది యొరులకుఁదరమే
వేంకట సుబ్బరాయ సుకవిప్రభుఁడాతని తమ్ముఁడైన యీ
వేంకట నామ సత్కవియు విశ్రుత కొప్పర వంశవార్ధి నే
ణాంకుఁడు కౌస్తుభంబనఁగ నభ్యుదయంబును జెంది చారుని
శ్శంకతరావధానము వెసం బచరించుట వింతఁగొల్పెడిన్
ఈ యిద్దఱి యాశు కవి
త్వాయత చాతుర్య విస్మయాంభోరాశి
స్ఫాయత్తరంగ మాలా
వ్యాయత్తత నొండు దోఁపదయ్యె నెడందన్
బ్రహ్మశ్రీ ఆంధ్రవాల్మీకి వావిలికొలను సుబ్బరాయ పంతులుగారు
ధోరణి నిర్జరాంబువని తోఁపగ గంటకు మూఁడు నూర్లసా
ధారణ వేగయుక్తి బుధ తండము మెచ్చఁగఁబల్కి పద్యముల్
ధారణ తప్పకుండ నవధాన శతంబు ఘటింపఁజాలు నో
సూరి వరేణ్యులార! మిముఁజూడ మహాద్భుతమయ్యె నాత్మలోన్.
ఉత్పలమాలిక
శిష్టవరేణ్యులార! బుధశేఖరులార! కవీంద్రులార! సం
దృష్టము నేఁటి యీసభ త్వదీయమహాశుకవిత్వ సంపదల్
తుష్టిని గూర్చెనేని విబుధుండొక పద్యమునిచ్చునన్న ని
ర్దిష్ట సుభాషితంబుగొని ప్రీతిమెయిన్ వచియించువాఁడ ని
