మీ పూర్వరాజ్యంబు మీ పూర్వులయశంబు
రక్షింపమీరే భారకులరనియు
బలమన నొండొరుల్ కలిసియుండుటయను
సామెత నమ్మిన క్షేమమనియు
అతినూత్న నియమకార్యముల సల్పిరి ప్రజా
ప్రియులైరి మీతొంటి విజ్ఞులనియు
నవసరంబైనచో నరుదెంచిభేద హే
తువెఱింగి మైత్రిగూర్తుఁదగననియు
మామకదృష్టి యస్మత్సతీసుతుల చూ
పెపుడు మీమీక్షేమ మెంచుననియు
నేలిఖించిన లేఖ నీక్షింపఁ జేయుఁడీ
దయచేసి మీ సహోదరులకనియుఁ
బరఁగుప్రీతిని గుంటూరు పురమునుండి
యనుపులేక భవత్సువంశాధికతలఁ
దెలిపెఁ దెలుపుచునుండెను దెలుపునింక
జనవినుత కార్య! నాగనక్ష్మాపవర్య!
అశ్వారావుపేట ప్రయాణానంతరమున శ్రీశ్రీ రాజావారికి వ్రాసికొనిన లేఖాంశములు (మకాము: కామవరపుకోట)
వర్షాతపానిలాపాయ దూరంబయి
రమ్యమౌ శకట వర్యంబమర్చి
గమనచిత్రముఁజూపు కలధౌతతుహినాచ
లము లనందగు మహోక్షములఁబూన్చి
జవసత్వసౌందర్య సహితసైంధవముపై
సాయుధ శూరుఁ దోనరుగఁగూర్చి
