81
ప్రక్కలుగాదు నా మనము ప్రక్కలుగాదు శరీరమంచుఁ దా
నక్కొడుకుం దలంచి మది నర్జునుఁ డెంతటి చింతఁ జెందునో.
28. మేఘముఁజూచి నెమళ్ళు సంతోషించుట - మత్తకోకిల
ఆకసంబున ధ్వాంతమట్టుల నంబుదంబు రహింపఁగా
వీఁకఁ జిత్రరుచుల్ వెలింగెడి పించియంబుల విప్పుచున్
గేకు లెన్నియొ మూఁక గట్టుచుఁగేక లొప్ప నటించెడిన్
లోకమందున నవ్విశేషమనూన మైత్రినిఁ దెల్పఁగన్.
29. సూర్యోదయము చంద్రాస్తమయము
ఇంద్రాశన్ భువన ప్రియుండినుఁడు చక్రేశుండు చండాంశుఁడై
సాంద్ర ప్రాభవ మొప్పదోఁచుటయు నచ్చాయన్ గనన్ లేక తాఁ
జంద్రుండస్త నగంబుఁ జేరి నదియౌఁ జర్చింప మిత్రుండు ని
స్తంద్ర ప్రజ్ఞను దన్నుఁ జేరునెడ దోషస్వాంతుఁడెట్లొప్పెడిన్.
30. సమస్య : మంచాలన్ బిగియించె గూటములకమ్మా బిందియం దేఁగదే
కంచున్మించును దోఁపఁబాలకయి యాగంబియ్యెడన్ బాలకుల్
కొంచెం బాగక చేయుచుండిరిటఁబాలుం దీయఁ బ్రొద్దేఁగె వే
ఱెంచన్ రాదిపు డాల కాఁపరియుఁ దానేతెంచె యాలస్య మే
మంచాలన్ బిగియించె గూటముల కమ్మా బిందియం దేఁగదే
31. సమస్య : దిరిగిరి సత్పథంబెనసి తేజరిలెన్ విబుధాళి కిక్కయై
గరువముమీఱు వింధ్యమునకంటె సమర్థతఁ జూపఁబూనఁగా
హరునిశరాసనంబను మహత్త్వపుఁ గల్మిని రత్న కూటముల్
మెఱయ సువర్ణ సంపదల మేకొన నిర్జరులెల్ల మోదమం
దిరి గిరి సత్పథంబెనసి తేజరిలెన్ విబుధాళి కిక్కయై
