పుట:Kokkookamu.pdf/239

⁠

జెముడువేరును మణిశిల వెఱ్ఱిసొరచెట్టు                  విత్తులు పక్కియవేరుఁ గూర్చి వరుణయు క్షారంబు గిరికర్ణికయు మేఁక                  పాలు మఱి జెముడుపాలఁ గూర్చి యెనయఁ బిష్టముఁ జేసి యేడురాత్రులు నిల్పి                  వెదురాకురసమునఁ బొదవి దాని

⁠

గీ.⁠

యర్ధమును నూనెఁ గొని యంత నరఁటిరసము కలిపి యది వండి నూనె చిక్కగను బుచ్చి ముందుగల కేశములఁ దీసి యందుఁ బూయ మస్తకంబైనఁ జెక్కిలిమాడ్కి నుండు.

⁠

తా.⁠

హరిదళము, చిట్టికూరవిత్తులు, సైంధవలవణము, తామరవిత్తులు, వస, జెముడువేరు, మణిశిల, వెఱ్ఱిసారచెట్టువిత్తులు, పక్కిచెట్టు వేరు, ఉలిమిరిచెట్టు వేరు, చవుడు, దింటెనవేరు, యీవస్తువులు మేకపాలు, జెముడుపాలు, కలిపి యేడుదినము లందూరనిచ్చి వెదురాకురస మొకశేరును, నూనె అర్ధశేరును, అరటి సొన అర్ధశేరును కలిపి చిక్కనగునటుల వండి భగమునకు నూనె రాచి యావండిన యౌషధమును నలుగుబెట్టిన వెండ్రుకలు మొలువక నున్నగా నుండును.

⁠

శ్లో.⁠

యది మస్తకమపి నేతుం తపకౌతుకమస్తి హస్తతాళతులామ్। ద్విత్రాణామపి చైషామేష విధిః సహరితాళానామ్॥

⁠

క.⁠

హరిదళము కుసుమనూనెయుఁ బొరికేశము లూడ్చి పూయఁ బుట్టక మానున్ హరిదళ కింశుకభస్మము నిరవుగ నటువలెనె పూయ నెటువలె నుండున్.

⁠

తా.⁠

హరిదళము, కుసుమనూనె, యీరెండును గలిపి భగముమీది వెండ్రు కలు తీసి పూసిన యెన్నటికిని వెండ్రుకలు పుట్టకయుండును. మఱియు హరిదళము మోదుగబూడిదెయు, కుసుమనూనెతో కలిపి పైవిధముగా పూసిన నదేవిధముగా జరుగును.

⁠

శ్లో.⁠

శాతయతి శంఖచూర్ణం లోమానిపలాశభస్మహరితాళమ్। కౌసుంభతైలమప్యుత్పాటనపూర్వం విలేసనాత్త ద్వత్॥

⁠