పుట:Kokkookamu.pdf/229

శ్లో.⁠

నరదక్షిణకరరోమభిరిభకరకరభాశ్వపుచ్ఛసంజాతైః। గ్రథితం దక్షిణకరగం రేతోరుత్ కోలదశనాస్థి॥

⁠

శ్లో.⁠

అసితవృషదంశ దక్షిణపార్శ్వస్థితమస్థి కటితటే బద్ధమ్। సప్తచ్ఛదబీజం వా బీజచ్యుతివిజయి వదనగతమ్॥

⁠

శ్లో.⁠

స్నుహ్యజాదుగ్ధపిష్టం లజ్జోలార్మూలమంఘ్రిలేపనతః। ధ్వజలేపాదజమూత్రైః పిష్టం వా వారుణీమూలమ్॥

⁠

శ్లో.⁠

కౌసుంభతైలమథనా వర్షాంభూచూర్ణమభ్యంగాత్। చరణస్య చ్యుతిజయినో యోగా హ్యేతే న సన్దేహః॥

⁠

సీ.⁠

పురుషుని కుడివంకఁ గరరోమముల నశ్వ                  ఖర ముష్ట్రముల పుచ్ఛకములతోడఁ బందికొమ్మును వలపలిచేతఁ గట్టిన                  నరుని శుక్లము స్తంభనంబు సేయు కృష్ణమార్జాల దక్షిణపార్శ్వశల్యంబు                  కటిఁ గట్ట వీర్యంబు కదలకుండు పొలుపొంద నేడాకు పొన్నబీజము నోట                  నునిచి కూడిన బీజ ముండుఁ బడదు

⁠

ఆ.⁠

మేఁకపాలు జెముడుమ్రాకులపా ల్ముణ్గు దామరయును బాదతలమునందు లేపనంబుఁ జేసి లేమఁ దాఁ బొందినఁ బడదు వీర్య మెంతతడవునకును.

⁠

తా.⁠

పురుషుడు తన కుడిచేతిరోమములతో గుఱ్ఱము గాడిద యొంటె వీటియొక్క తోకలవెంట్రుకలు కలిపి త్రాడు పేని యాత్రాటితో పందికొమ్మును దనకుడిచేతికి కట్టుకొని రమించిన వీర్యము స్తంభించును. నల్లనిపిల్లియొక్క కుడి వైపుయెముకను పురుషుడు మొలయందు కట్టుకొని రమించిన వీర్యము స్తంభించును. మఱియు యేడాకు పొన్నగింజను నోటియందుంచుకొని రమించిన వీర్యము స్తంభించును. మఱియు మేకపాలు జెముడుపాలు ముణుగుదామర యీవస్తువులు కలియనూరి యఱకాళ్లయందు లేపనము చేసి రతియొనర్చిన వీర్యము స్తంభించును.

⁠