పుట:Kokkookamu.pdf/221

సీ.⁠

ఇరువదియొక్కమా ఱెనయఁ గల్గరవేరు                  రసమున నునిచి యుష్ట్రంబు నెముక శైలాంజనముతోడ సమ్మేళన మొనర్చి                  పుటదగ్ధభస్మసంఘటనఁ జేసి యెనయ నాయెముకఁ జేసిన కరాటములోనఁ                  గదియించి యయెమ్ము కణికఁ జేసి యందు నొయ్యన నుంచి యాయంజనము కాంత                  తనకన్నులను బెట్టి జనులఁ జూడ

⁠

గీ.⁠

వశ్యు లగుదురు మఱి మగవారు దీని కన్నుఁగవఁ బెట్టి కామినీగణముఁ జూడఁ జాలవలతురు ధర సర్వజనులకెల్ల మునులు చెప్పిన మతమిది మోహనంబు.

⁠

తా.⁠

లొట్టిపిట్ట యెముక గుంటగలగరఆకురసముతో యిరువదియొక్క వారములు భావన చేసి ఆయెముకలో సగముయెత్తు శైలాంజనముతో కూడా కలిపి పుటము పెట్టి భస్మము జేసి ఆభస్మమును ఆయెముకతో చేసిన బరిణయందుంచి యా యెముకతోడనే కణిక చేసి యాకణికతో నాకాటుకను స్త్రీలు కన్నులయందు బెట్టుకొనిన పురుషులు వశులగుదురు. పురుషు లాకాటుకను బెట్టుకొనిన స్త్రీలు వశులగుదురు. దీనినే మోహనాంజన మందురు.

⁠

శ్లో.⁠

నిజబీజేన రతాన్తే వామదృశో భటిత వామపాదం యః। అథవా లింపతి హృదయం స ఏవ తస్యాః పరో దయితః॥

⁠

క.⁠

తనవీర్యము సురతాంతం బునఁ గామిని వామపాదమునఁ బూసిన న వ్వనజాక్షి వలచు హృదయం బుననైనను బూయ రసము పొరసిన భంగిన్.

⁠

తా.⁠

పురుషుడు స్త్రీని రమించిన తరువాత తనయొక్క శుక్లము స్త్రీ యొక్క యెడమపాదమందైనను, హృదయమునందైనను పూయ నాస్త్రీ వశ వర్తిని యగును.

⁠

ఇతి శ్రీకొక్కోకకృతే రతిరహస్యే
వశీకరణాధికారో నామ
చతుర్థశః పరిచ్ఛేదః