పుట:Kokkookamu.pdf/172

⁠

నిద్రజెందక యొకరినొకరు తలంచుకొందురు. చిక్కిపోవుట యను నైదవయవస్థ యందు జ్వరము కలిగియుండును. అరుచి పుట్టుటయను నారవయవస్థయందు భోజన పదార్థములు నోటి కింపుగా నుండవు. సిగ్గువిడచుట యను నేడవయవస్థయందు క్రమముగా సిగ్గును విడుచును. చిత్తవిభ్రమ మను వెనిమిదవయవస్థయందు పలు కులు తడబడును. మూర్ఛ యను తొమ్మిదవయవస్థయందు ప్ర్రాణంబులు హీనం బులై చలించును. మరణ మను పదియవయవస్థయందు చనిపోవుటయు సంభవిం చును. కావున స్త్రీపురుషులయొక్క బ్రతుకు మన్మథాధీనమయి యుండును.

⁠

శ్లో.⁠

పునర్దారాః పునర్విత్తం పునః క్షేత్రం పునః సుతః। పునః శ్రేయస్కరం కర్మ న శరీరం పునః పునః॥

⁠

గీ.⁠

సతియు, ధనమును, క్షేత్రము సంతతియును మంగళం బగు కర్మలు మఱలమఱలఁ బోయినను బొందవచ్చును పుడమిఁ దనదు బొంది వోయిన మఱలఁ దాఁ బొందలేఁడు.

⁠

తా.⁠

భార్యా, ధనము, క్షేత్రము, సంతానము, మంగళప్రదమయిన కర్మములు, ఇవియన్నియు గతించినను మఱలమఱల సంపాదింపవచ్చును కాని శరీరముమాత్రము సంపాదింపఁజాలము.

⁠

కామితానర్హస్త్రీలు

శ్లో.⁠

అసంగృహీతభార్యాం చ బ్రహ్మస్త్రీం యశ్చగచ్ఛతి। సూతకం సతతం తస్య బ్రహ్మహత్యా దినేదినే॥

⁠

క.⁠

భూమీసురసతిఁ గన్నెను గామింపఁగరాదు మున్ను కామిని తన్నున్ గామించినను సుకృతముల నీమంబును జెడును లోకనిందయుఁ దనకౌ.

⁠

తా.⁠

బ్రాహ్మణుల భార్యలను, అవివాహితస్త్రీలను కాముకులు కామింప జనదు. వారు తమంతతామే వచ్చినను పురుషులు పుణ్యాపాయమునకు లోకనిం దకు జంకి వారిని త్యజింపంజనును.

⁠

శ్లో.⁠

అద్విజభార్యావిషయః సాపి న దుష్టైవ పంచనరభుక్తా। శ్రోత్రియసఖిసంబన్ధిక్షితిపతిభార్యా నిషిద్ధైవ॥

⁠