పుట:Kokkookamu.pdf/170

వ.⁠

కావున నన్యోన్యస్నేహమోహంబులం బొందినఁగాని పరస్త్రీసంగమ దోషంబు పొరయకుండదని చెప్పెదరు. అన్యోన్యస్నేహవ్యామోహంబు లత్యంతసుఖ కారణంబులని కామశాస్త్రజ్ఞులు చెప్పెదరు. అట్లగుటకు ముందు ప్రేరణరూపం బున బుద్ధిని జలింపఁజేయు నవస్థాదశకంబు నెఱింగించెద.

⁠

దశావస్థల లక్షణము

శ్లో.⁠

నయనప్రీతిః ప్రథమం చిత్తాసంగస్తతోథ సంకల్పః। నిద్రాచ్ఛేదస్తనుతా విషయనివృత్తిస్త్రపానాశః॥

⁠

శ్లో.⁠

ఉన్మాదో మూర్ఛా మృతిరిత్యేతాః స్మరదశా దశైవ స్యుః। తా స్వారోహతిమదనే యాయాత్పరయోషితం స్యరక్షాయైః॥

⁠

క.⁠

చూచుట తలఁచుట కోరుట కాచుట కృశ మౌట రుచులు గానమి సిగ్గున్ ద్రోచుట వెఱ్ఱియు మూర్ఛా ప్రాచుర్యము మరణ మనఁగఁ బదియు నవస్థల్.

⁠

తా.⁠

చూచుట, తలంచుట, కోరుట, కాచుట, చిక్కి పోవుట, అరుచి పుట్టుట, సిగ్గు విడుచుట, చిత్తవిభ్రమము, మూర్ఛనొందుట, ప్రాణము పోవుట, ఈ పదియు దశావస్థలని తెలియందగినది.

⁠

సీ.⁠

ఒంటిమోహమునఁ గన్గొంటిఁ జక్షుఃప్రీతి                  పలుమాఱు నది తలఁపంగఁ జింత యుడుగనికోర్కెతో నుండుట సంకల్ప                  మొగి గుణస్థితి నిద్ర యుడిగియుంట విరహతాపంబుచే వేఁగి డస్సియునుంట                  యరుచి యేమిటిమీఁద నాశలేమి యెన్ని యాడెడివారి నెఱుఁగమి నిర్లజ్జ                  యున్మాదమున నింటి నొల్లకుంట

⁠

గీ.⁠

వలపు దలకెక్కి మది తన వశము గాక పరవశత్వముచే డీలపడుట మూర్ఛ పొందు లేకున్నఁ బ్రాణంబు పోవుననుట మృతియు నయ్యె దశావస్థ లెఱుఁగఁజొప్పు.

⁠