పుట:Kokkookamu.pdf/151

⁠

మధుమదంబున నున్న మానిని నఖదంత                  కరఘాతములచేతఁ గరఁగుచుండు తనసత్వమునఁ బొందఁ దరుణిసత్వంబును                  దెలియక రతి సల్పు టలవికాదు

⁠

ఆ.⁠

కాన సత్వ మెఱిఁగి కళలంటి చుంబన భూషణాదిగతులఁ జూపనేర్చి కామశాస్త్రవిధులఁ గాంతలు పతులును దలఁపు లొప్పఁ దెలియఁ గలియుదు రిల.

⁠

తా.⁠

పురుషుడు లాలనాదిక్రియలను జేసి సతిని ద్రవింపజేయక పైకొనిన సతి విసుగుకొనును. రతి సేయునపుడు చండమందవేగములను జూపక సమరతి చేసిన సతి సమ్మతించును. సతి కల్లు త్రాగి మత్తుతో నున్నయెడల నఖ దంత కర ఘాతములచేత ద్రవించును. పురుషుడు సతి నాలింగనాదివిధులతో దానిబలమును దెలిసికొని దానికి తగినబలమును జూపుచు రమించిన ద్రవించును. అట్లు కానిచో వికటమగును. కావున సతియొక్కబలమును తెలిసికొని కళలను పట్టుచు నఖక్షతదంత క్షత చుంబనాదిగతులను జేయుచు నీశాస్త్రమున జెప్పబడినప్రకారము దేశకాల పాత్రంబులను దెలిసి సతీపతులు యొకరియుద్దేశము లొకరు తెలియుచు గలియు దురుగాత.

⁠

ఇతి శ్రీకొక్కోకకృతే రతిరహస్యే
సురతాధికారో నామ
దశమః పరిచ్ఛేదః