పుట:Kokkookamu.pdf/104

తా.⁠

గుబ్బచన్నులయొక్కఠీవి పయ్యెదలొనిండి యచ్చటనే యుండక కనులకు మిఱుమిట్లు గొలుప, ఎఱ్ఱనికాంతిగల పెదవులపై దాగియుండిన మొలక నవ్వు మొగమున కనుపింప, కనుగొలకుల నెఱ్ఱనిఛాయను ప్రకాశింపచేయు వాడి చూపులు తలచుట్టును దిరుగ, కొప్పున ముడిచిన పువ్వులయొక్క పరిమెళము తుమ్మెదలనుబిలువ, భూషణముల కన్నిటికిని భూషణమగు యొడలితో, మోహ ముల కన్నిటికిని తనదేహమం దలమిన వలపుపూత మదనోపశ్లేషముచే పొంగి స్రవిం చుచు విటునకు వలపు దెలుపునట్లుండిన కాంతను తన యెడమదిక్కునకు దీసికొని కోరిక లీరిక లెత్త సంతసంబున —

⁠

ఉ.⁠

సన్నపుఁబాటఁ బాడి రతిసంభ్రమ మొప్పఁగఁ గౌఁగిలింపుచు న్జన్నులు చీరెకొంగు కచసంచయమున్ రచనాకలాపమున్ మున్నుగ వామహస్తమున ముట్టుచు హస్తము గీలుకొల్ప నా సన్న యెఱింగి యొండొకఁడు జారిన నెచ్చెలికాండ్రు నంతటన్.

⁠

తా.⁠

పురుషు డాస్త్రీని సంతోషమున కౌగిలించుచు కుచములును చీరె కొంగును కొప్పును ముందుగ యెడమచేత ముట్టుచు చేసన్న జేయ చెలికాండ్రం దరు తెలిసికొని యొక్కొక్క రాస్తలమును బాసిన తరువాత —

⁠

చ.⁠

పొలఁతుక నాసికాగ్రము కపోలమును న్జుబుకంబు ఫాలమున్ జెలు వలరంగఁ జుంబనముఁ జేసి పదంపడి తాను జిహ్వలన్ గళరవ మొప్పఁ జుంబనవికారముల న్ఘటియించి మన్మథ స్థలనకుఁ జేరఁజొచ్చి రతిసంగతిఁ జేసి ద్రవింపఁజేయుచున్.

⁠

తా.⁠

పురుషు డాస్త్రీయొక్క ముక్కుకొన దవడ చుబుకము నొసలు ముద్దాడి మరియు తాను కంఠధ్వని యొప్పునట్లు చుంబించుచు పాన్పునందు జేర్చి రతిసాంగత్యముచేత ద్రవింపజేయవలయును.

⁠

రతిప్రేరేపణక్రియాలక్షణము

శ్లో.⁠

యతి విమతిముపేయాద్ గణ్డపాలీం విచుంబ్య స్మరగృహమపి లింగాగ్రేణ సంపీడ్య దత్త్వా। ముఖమభిముఖమస్యా అంగమాలింగ్య దోర్భ్యాం మదనసదనహస్తక్షోభలీలా విదధ్యాత్॥

⁠