ఈ పుట ఆమోదించబడ్డది
నిస్సహాయత.
_______
చెలిదనినంత నాయెడఁదచిక్కము, లుబ్ధుని ముష్టిరూకలన్
బలముగఁ బట్టియుంచుగతిఁ బల్లనకోమలమైన ప్రేమఁ జి
క్కులనిడె; నిచ్చిపుచ్చుకొనఁ గూడని యీదురవస్థ కెన్నినా
ళులునెలలేడులోర్చుకొని లొంగుదు,మ్రింగుదులోనదుఃఖమున్ !
కొలఁదికి మించు భారమగు గోనెను గాడిదమీఁద వైచి దొ
త్తిలఁ బడి కాలువూనుకొలఁదిన్ గొరడా మెదలించు నిర్దయున్
దలఁపున కీడ్చే దైవకృతి; తెన్నును గార్దభమేని నోర్చుకో
నలవి దొలంగ; మానవునకా తుదిమార్గము గూడ లేదుగా!
2-7-1928
_________
