ఈ పుట ఆమోదించబడ్డది
జన్మభూమి
ఏ దేశమేగినా ♦ ఎందుఁ గాలిడిన
ఏపీఠ మెక్కినా ♦ యెవ రెదురయిన
పొగడరా నీతల్లి ♦ భూమి భారతిని
నిలపరా నీజాతి ♦ నిండుగర్వమ్ము
లేదురా యిటువంటి ♦ భూదేవి యెందు.
లేరురా మనవంటి ♦ ధీరులింకెందు.
ఏ పూర్వపుణ్యమో ♦ ఏయోగబలమొ!
జనియించినాడ వీ ♦ స్వర్గలోకమున
ఏమంచిపూవులన్ ♦ బ్రేమించినావొ!
నినుమోచె నీతల్లి ♦ కనక గర్భమున.
సూర్యుని వెలుతురు ♦ సోకునందాక
ఓడల జెండాలు ♦ ఆడునందాక.
నరుడు ప్రాణాలతో ♦ నడుచు నందాక
అందాకగల యీయ ♦ నంత భూతలిని
మన భూమివంటి క ♦ మ్మని భూము లేదు.
తమతపస్సులు ఋషల్ ♦ ధారఁబోయంగ
చండవీర్యము శూర ♦ చంద్రు లర్పింప
