ఈ పుట ఆమోదించబడ్డది
20
ఇంద్రాణీ సప్తశతీ
శ. 1.
10. త్వం కస్యా స్యదితి స్త్వం రుద్రస్య శివా |
త్వం శక్రస్య శచీ శక్తి స్సర్వ గతే ||
11. ప్రాణశ్చ ప్రణవో జ్యోతిశ్చాంబరగం |
వస్త్వేకం త్రిగుణం నోవస్తు త్రితయం ||
12. శక్తేరంబ పరే శక్తస్యాపి భిదా |
జ్వాలా పావకవద్భాషా భేదకృతా ||
13. సర్వం దృశ్య మిదం భుంజానే పరమే |
పుం నామ స్తుతయో యుజ్యంతే ఖలు తే ||
14. కుర్వాణే౽మ్బ సత స్సంతోషం సతతం |
స్త్రీనామ స్తుతయ శ్శోభాం తే దధతే ||
15. సద్బ్రహ్మ బ్రువతే విద్వాంసో విగుణం |
త్వం మాత స్సగుణం బ్రహ్మా౽సి ప్రథితే ||
16. శబ్దాద్యై ర్వియుతం సద్బ్రహ్మా౽మలినం|
శబ్దాద్యై స్సహితా త్వం దేవ్యార్యహితా ||
17. సాక్షి బ్రహ్మ పరం త్వం మాతః కురుషే |
సర్వేషాం జగతాం కార్యం సర్వ విధం ||