204
ఇంద్రాణీ సప్తశతీ
శ. 6.
9. యోగినిశక్తి ర్విలససి దాంతిః
యోషితిశక్తి ర్విలససి కాంతిః |
జ్ఞానినిశక్తి ర్విలససి తుష్టి
ర్ధన్వినిశక్తి ర్విలససి దృష్టిః ||
10. సంగినిశక్తి ర్విలససి నిద్రా
ధ్యాతరిశక్తి ర్విలససి ముద్రా
వాసవకాంతే గగననిశాంతే
భాషితుమీశః క్వను విభవంతే ||
11. యద్దితిజానాం దమనమవక్రం
కేశవహస్తే విలసతిచక్రం |
తత్రకళా తే భగవతి భద్రా
కాచన భారంవహతి వినిద్రా ||
12. దుష్టనిశాట ప్రశమన శీలం
యత్సిత భూభృత్పతికరశూలం |
తత్ర మహోంశస్తవ జగదీశే
రాజతి కశ్చిత్పటు రరినాశే ||
13. యన్ని జరోచి ర్హృత రిపుసారం
వాసవహస్తే కులిశ ముదారం |
తత్ర తవాంశో విలసతి దివ్యః
కశ్చన భాసో భగవతి భవ్యః ||
14. అంబరదేశే సుమహతి గుప్తా
పంకజబంధౌ విలసతి దీప్తా |
రాజసి మాత ర్హిమరుచిశీతా
వేదికృశానౌ క్రతుభృతిపూతా ||